苗柏襲港:尷尬時間發紅雨 網民鬧爆天文台

作者:SERENA 發表日期:2017-06-13 11:04:02

熱帶風暴「苗柏」已減弱,天文台清晨改發3號強風信號,但苗柏同時為香港帶來狂風暴雨,天文台在上午8時45分發出紅色暴雨警告信號,但由於當時正值市民返工返學的高峰期,時間非常尷尬,不少網民就批評天文台「遲唔掛早唔掛」。

紅雨警告生效,顯示香港廣泛地區已錄得或預料會有每小時雨量超過50毫米的大雨,且雨勢可能持續。在今早9時的過去一小時,由於苗柏南部的西南氣流影響,大部分地區錄得超過70毫米雨量,港島北部、九龍部分地區及將軍澳,雨量超過100毫米。天文台在將軍澳、黃竹坑、尖沙咀等錄得超過50毫米的雨量;而大埔、打鼓嶺及屯門等地亦錄得超過40毫米雨量。

社交網站Facebook的天文台專頁內,不少網民抱怨天文台太遲懸掛紅雨,留言斥「返晒工返晒學就紅雨,黑雨!你哋份人工係納稅人比(畀)㗎!唔係商家佬直接出糧比(畀)你!」亦有網民揶揄,現時天文台制度是「落到黑雨就發黃雨,返晒工返晒開先嚟紅雨!」另有網民促天文台檢視測量雨量的系統。

另外,有家長在社交網站指,由於今日為小三學生考全港性系統評估(BCA)的日子,部分人認為天文台刻意遲掛暴雨訊號,令BCA能順利開考。

網民有話說
Gary Kwan:你地(哋)每次都係放工掛八號,早上返工轉掛三號,唔理出面有幾大雨,都要市民返工,細路返學!

AR Shing:落到黑雨咁先係黃雨,返晒工返晒學開埋市先黎(嚟)紅雨,有X用咩!

Lee Kenkan:大雨到咁都係黃雨?會唔會呢套測量系統唔岩(啱)用?請檢討一下。

PiscesDeo Cheng:多謝你比(畀)我感受橫風橫雨下返工既(嘅)感覺。

Kevin Leung Chun Wai:極度無言,差過國內,完。

Chan Purple:今朝周圍都倒水咁,咁都唔係黑雨?!我放個量杯,唔駛半個鐘都70毫米啦!


本文来源:http://hk.on.cc/hk/bkn/cnt/news/20170613/bkn-20170613094007871-0613_00822_001.html

本文固定鏈接: http://www.acupuncturehk.com/14776.html
轉載請注明:SERENA 2017-06-13 11:04:02 於 香港資訊熱播 發表

上一篇: :下一篇
返回頂部